#
×
Forsíða»  MARC21 nafnmyndir
MARC 21 nafnmyndir

Nafnmyndaskrá Gegnis (cil) er unnin af skrásetjurum Landsbókasafns. Hún inniheldur mannanöfn, heiti skipulagsheilda, landfræðileg efnisorð og íslensk efnisorð samkvæmt Kerfisbundnum efnisorðalykli og samþykktum efnisorðaráðs. Nafnmyndaskráin byggist að mestu á gögnum í bókfræðigrunni. Einnig er þar að finna óhöfundargreind hugverk, einkum fyrir fornbókmenntir og helgirit.

Í nafnmyndaskrá Gegnis eru settar fram valmyndir / valorð sem nota ber sem leitaratriði (höfuð) við skráningu í bókfræðigrunn Gegnis. Einnig eru sett fram víkjandi heiti og nafnmyndir / vikorð sem ekki á að nota og þá er vísað á valmynd / valorð. Jafnframt sjást innbyrðis tengsl milli valmynda / valorða þar sem um þau er að ræða.

1XX = valmynd / valorð
4XX = Sjá tilvísun (víkjandi nafnmynd / vikorð)
5XX = Sjá einnig tilvísun (innbyrðis tengsl)

Nafnmyndaskráning einstaklinga
Nafnmyndafærslur fyrir mannanöfn má skrá frá grunni, ýmist handvirkt eða með því að nota færslusnið. Að auki má búa til nafnmyndafærslu sem afsprengi bókfræðifærslu sem inniheldur nafnið í sviði 100.

Nafnmyndaskráning skipulagsheilda
Nafnmyndafærslur fyrir skipulagsheildir má skrá frá grunni, ýmist handvirkt eða með því að nota færslusnið. Að auki má búa til nafnmyndafærslu sem afsprengi bókfræðifærslu sem inniheldur nafnið í sviði 110. 
Undir skipulagsheildir falla stofnanir og fyrirtæki, skip, hljómsveitir, mannvirki/byggingar, almenningsgarðar og félög/samtök. Komi upp vafamál má styðjast við lista LC/MARC um val á sviði. Sem dæmi má nefna að mannvirkin brýr falla undir landfræðiheiti eins og vegir.

Síðast breytt: 08.06.22