2XX - Titill, útgáfa, útgefandi (Title and Title-Related Fields)

Titill er tekinn upp eins og hann kemur fyrir á viðfangi. Samkvæmt ákvörðun skráningarráðs verða hástafir teknir upp á sama hátt og skv. AACR2. Þó skal taka upp óvenjulega hástafanotkun ef hún er merkingarbær. Skrásetjarar hafa einnig heimild til að láta óhefðbundna hástafanotkun standa í færslum sem sóttar eru úr öðrum kerfum. Þetta á einkum við um stóra pakka sem hlaðið er vélvirkt inn í Gegni.

Greining staðar og nafns útgefanda/framleiðsluaðila o.s.frv. er tekin upp stafrétt. Staðlaðar latneskar skammstafanir eru ekki notaðar.