Skráning með gervigreindaraðstoð

Gervigreindaraðstoð í Lýsigagnaritli Ölmu (AI Metadata Assistant) er hugsuð til að aðstoða við að búa til bókfræðifærslur frá grunni eða auðga bókfræðifærslur sem eru þegar til í bókfræðigrunninum. Gervigreindin getur dregið lýsigögn úr myndum af viðfangi (t.d. titilsíðu, efnisyfirliti eða bókakápu). Notkun gervigreindaraðstoðarinnar getur sparað tíma, sérstaklega við frumskráningu, en alltaf þarf mannlega yfirferð á lýsigögnunum. Til þess að nýta þetta verkfæri þarf skrásetjari að hafa heimild til að nýta gervigreind við skráningu.

 Hægt er að búa til bókfræðifærslur út frá myndum af viðfangi með aðstoð gervigreindar á tvo vegu:
- Í Alma mobile appinu
- Í lýsigagnaritli Ölmu

Að búa til færslu í appi:

- Opnið Alma Mobile appið, sláið inn slóðina fyrir ykkar safnakjarna og skráið ykkur inn. Hér eru leiðbeiningar frá Landskerfi um almenna notkun á appinu: Alma Mobile almennar leiðbeiningar
- Veljið gervigreindaraðstoð

- Þá opnast form þar sem hægt er að fylla út

- Hlaðið upp allt að fjórum myndum af viðfangi

Að búa til færslu í lýsigagnaritli: 

- Veljið nýtt -> Búa til með gervigreindaraðstoð (Alt+Shift+G)

- Þá opnast form þar sem hægt er að fylla út

- Hlaðið upp allt að fjórum myndum af viðfangi

Formið sem fyllt er út er nánast eins í appinu og lýsigagnaritlinum. Nauðsynlegt er að fylla inn titil en það skiptir ekki máli hvað er skrifað í reitinn, gervigreindin yfirskrifar titilinn með titlinum sem hún dregur úr myndunum. Síðan er hægt að velja að bæta við sviðum úr færslusniði sem skrásetjari er með birt í valmynd. Auk þess sem hægt er að velja hvaða lýsigögnum er óskað eftir (algengast er að biðja um allt ef verið er að búa til nýja færslu).

Í lýsigagnaritlinum er einnig hægt að hafa áhrif á hvernig gervigreindin dregur lýsigögnin úr myndunum. Annars vegar er hægt að velja Gervigreindaraðstoð sem notar hefðbundnari leiðir við mynd- og textalestur og hins vegar er hægt að velja á milli tveggja OCR verkfæra (Document intelligence og Tesseract) sem geta gefið betri niðurstöður fyrir viðföng á sumum tungumálum/leturtegundum. Ef OCR verkfærin eru valin er hægt að velja rétt tungumál í felliglugga.

Eftir að búið að er fylla út formið og stillingar er myndum af viðfanginu hlaðið upp. Þar er mun þægilegra að nota appið þar sem hægt er að opna myndavélina beint úr appinu. Í lýsigagnaritlinum er hægt að opna vefmyndavél á tölvu en til þess að fá sem bestar niðurstöður þurfa myndirnar að vera skýrar. Því hefur gefið betri raun að taka myndir á síma og hlaða þeim upp í lýsigagnaritilinn eða nota appið og taka myndir þar beint.

Eftir að gervigreindin hefur unnið úr myndunum birtast drög að bókfræðifærslu beint í Lýsigagnaritli skrásetjarans sem setti ferlið af stað. Þá er komin grunnur að færslu sem auðvelt er að vinna áfram með og yfirfara þannig að hún falli að þeim kröfum sem gerðar eru í Gegni. Mikilvægt er að fara vel yfir færsluna með mjög gagnrýnum augum áður en hún er vistuð í bókfræðigrunninn. Erfitt er að treysta á niðurstöður gervigreindarinnar og þó að sömu myndir af sama viðfangi séu settar inn oftar er einu sinni er erfitt að treysta á samsvarandi niðurstöður í hvert sinn.

Merkingar

Allar gervigreindarfærslur eru vel og vandlega merktar í kerfinu. Bæði í bókfræðifærslunni sjálfri í sviðum 040 og 588 og með merkingu (þrjár stjörnur) sem fylgir færslunni alltaf í kerfnu