Landsbókasafn Íslands - Háskólabókasafn Landsbókasafn Íslands - Háskólabókasafn Landsbókasafn Íslands - Háskólabókasafn

Menu:

Val á höfði

AACR2

Skýringar

Skráð á höfund = höfundur valinn sem höfuð færslu (MARC 21 = 100 X#)
Skráð á stofnun = heiti stofnunar valið sem höfuð færslu (MARC 21 = 110 X#)
Skráð á ráðstefnu = heiti ráðstefnu valið sem höfuð færslu (MARC 21 = 111 X#)
Skráð á samræmdan titil = samræmdur titill valinn sem höfuð færslu (MARC 21 = 130 X#)
Skráð á titil = titilskráð = titill valinn sem höfuð færslu (MARC 21 = 245 0X)


Höfuð, aðalhöfuð, þ.e. aðalleitaratriði (MARC 21 = 1XX eða 245 0X)
Orð eða heiti, sett sem eins konar fyrirsögn á færslu sem uppsláttarorð í skrá (Heimild: Skráningarreglur, 1988. Viðauki II)
Enska: Main entry

Vanda ber sérstaklega til vals á höfði. Auk þess að vera aðalleitaratriði færslu byggist skipulag safnkosts, þ.e. röðun, yfirleitt á flokkstölu og raðstöfum, en þeir ráðast oftast af höfði.

Aukafærsla, aukahöfuð, þ.e. leitaratriði sem aukið er við lýsingu (MARC 21 = 7XX)
Viðbótarfærsla önnur en undirfærsla eða tilvísun (Skráningarreglur, 1988. Viðauki II)
Enska: Added entry
Tilefni aukafærslu verður að koma fram í lýsingu

Dæmi um aukafærslur:

Meðhöfundur, þýðandi, þ.e. hvers konar ábyrgðaraðild
Annar titill verks
Önnur málmynd
Mismunandi ritháttur

Ekki er gerð aukafærsla á mannsnafn ef einvörðungu liggja fyrir upplýsingar um skírnar- eða eftirnafn eitt og sér.


Mannanöfn

Svið 100 X#, 600 XX, 700 X#

Sú stefna hefur verið mótuð að skrá íslensk mannanöfn með fæðingarári og dánarári ef við á. Það er á ábyrgð skrásetjara sem leggur inn færslu að hafa nafnmynd sem réttasta og fyllsta. Hafi skrásetjari ekki tök á því að skrá rétta nafnmynd þarf að tilkynna það á netfangið: gegnir(hjá)landsbokasafn.is

Alltaf skal ganga úr skugga um hvort nafnmynd er til fyrir í höfðalista (F3).

Í erlendum viðsnúnum mannanöfnum eru eftirnafn og skírnarnafn aðskilin með kommu. Skírnarnafn umlykja kommur ef fæðingarár fylgir.

Fæðingarár

Deilisviðstákn $$d
Ekki má hafa bókstafi fyrir framan ártal.
Ef einungis dánarár er þekkt kemur bandstrik á undan ártali.
Ef fæðingar- eða dánarár er óvíst er spurningarmerki fyrir aftan ártal (ekki „um“ eða „ca“).
Ekkert bandstrik er á eftir fæðingarári Íslendinga nema dánarár fylgi.
Bandstrik er á eftir fæðingarári útlendinga.

 

Dæmi:
100 4# $$aLoftur$$1Guttormsson$$d-1432
100 4# $$aEysteinn$$1Ásgrímsson$$d-1361?
700 4# $$aPétur$$1Ástvaldsson$$d1959
100 4# $$aRagnheiður$$1Jónsdóttir$$d1895-1967
100 1# $$aFrench, Marilyn,$$d1929- 

 

Hjálpartæki til þess að finna rétta nafnmynd

Þjóðskrá er öllum skrásetjurum aðgengileg í útlánaþætti Gegnis. Ef villuboðin „permission denied“ birtast þarf að hafa samband við Landskerfi bókasafna. Gott er að fletta jafnframt upp í símaskrá http://www.leit.is/simaskra/ því þar kemur starfsheiti oft fram. Færslur á bak við nafn í höfðalista gefa vísbendingar um á hvaða sviði viðkomandi starfar, komi margir alnafnar til greina.
Upplýsingar um látna einstaklinga má oft finna á gardur.is: http://www.gardur.is/leit.php
Að lokum má nefna það sem allir þekkja: Uppsláttarrit og t.d. Íslensku alfræðiorðabókina og netið, t.d. Google – auk samstarfsfólks, ættingja og vina.