Aðrar leturgerðir og umritanir

Þegar viðföng á öðru letri en latínuletri eru skráð í bókfræðigrunn Gegnis skulu skrásetjarar reyna eftir fremsta megni að taka upp titil og ábyrgðaraðild á upprunalegu letri ásamt því að umrita upplýsingarnar yfir á latínuletur. 

Fyrir texta á upprunalegu letri er hægt að nota lyklaborð á netinu til þess að slá inn texta á annarri leturgerð en einnig er leyfilegt að finna titilinn í skrám erlendra bókasafna eða bókaverslanna á netinu. Auk þess er hægt að nýta sér tækni sem skrifar upp texta eftir mynd.

Umritanir yfir á latínuletur skulu gerðar eftir umritunartöflum Library of Congress 

Leyfilegt er að nota gervigreind til aðstoðar við umritun en þá þarf að gefa henni mjög skýr fyrirmæli og biðja um að umritunin sé gerð samkvæmt töflum Library of Congress.